विधानसभा निवडणुकीत महाविकास आघाडीचा पराभव झाल्याने चलबिचल सुरू होती. वाघेरे पुन्हा स्वगृही राष्ट्रवादी काँग्रेसमध्ये जाणार असल्याची चर्चा सुरू झाली होती. उपमुख्यमंत्री अजित पवार यांच्याशी आपले चांगले संबंध आहेत. बोलणे होत असते. पण, स्वगृही परतण्याबाबत अद्याप कोणताही निर्णय घेतला नसल्याचे सांगून वाघेरे यांनी चर्चेला बळ दिले होते. या चर्चा सुरू झाल्यानंतर तातडीने पुणे जिल्हा संपर्कप्रमुख, आमदार सचिन अहिर यांनी शहरात धाव घेतली. वाघेरे यांची भेट घेतली, चर्चा केली.
शिवसेनेचे विभागीय नेते, खासदार संजय राऊत यांनीही शहरात येऊन आढावा बैठक घेतली. त्यानंतर पक्ष संघटनेत बदल करण्यात आले आहेत. वाघेरे यांची प्रभारी शहरप्रमुखपदी नियुक्ती करण्यात आली आहे. पिंपरीतून विधानसभा निवडणूक लढविण्यासाठी इच्छुक असतानाही महाविकास आघाडीत संधी न मिळाल्याने माजी शहरप्रमुख, माजी नगरसेवक सचिन भोसले नाराज होते. त्यामुळे संघटनेच्या कार्यात सक्रिय दिसत नव्हते. त्यांच्या जागी वाघेरे यांची प्रभारी शहरप्रमुखपदी नियुक्ती केली आहे.
No comments:
Post a Comment