ऑनलाइन वधु वर मेळावा काळाची गरज - क्रिडामंत्री दत्तात्रय भरणे

 कळस : वधू-वर परिचय मेळावा काळाची गरज आहे. हिंदू शेगर धनगर समाज विकास मंचाने हा मेळावा घेऊन सामाजिक बांधिलकी जपली आहे. समाजाने आपले कार्य असेच चालू ठेवावे, असे मत क्रीडा युवक व समाज कल्याण मंत्री दत्तात्रेय भरणे यांनी व्यक्त केले. हिंदू शेगर धनगर समाज विकास मंचच्या वतीने ऑनलाइन वधू-वर परिचय मेळावा संपन्न झाला. 

मेळाव्यास माजी आमदार पोपटराव गावडे, शेगर धनगर महासंघाचे अध्यक्ष सुनील भगत, अभिनेत्री उषा बिबे, बाळराजे वाळुंजकर उपस्थित होते. यावेळी २५० वधू-वरांचा परिचय करून दिला.

प्रास्ताविक प्रा. अजय गाढवे यांनी केले. संजय भाईक व सुनील चोरे यांनी सहकार्य केले. प्रा. अजय गाढवे, संभाजी साबळे, रामदास बिबे, सतीश शिंगाडे, प्रदीप वायसे, सतीश नाझरकर, अशोक गाढे, निळकंठ आटोळे, पोपटराव गावडे, अॅड. मनीषा सांगळे, स्मिता पाटील, शशिकला गावडे, जयवंत खोमणे, शिवाजी गावडे यांनी मेळावा यशस्वी करण्यासाठी परिश्रम घेतले.