रिझर्व्ह बँकेने सातव्या वर्षी सलग सोन्याचा साठा वाढवला आहे. 2024 मध्ये आरबीआयने 72.6 टन सोने खरेदी केले होते. डिसेंबर 2024 मध्ये खरेदी थांबवली गेली होती, मात्र जानेवारीत पुन्हा खरेदीला सुरुवात झाली.
गेल्या काही महिन्यांत सोन्याच्या किमतीत मोठी वाढ झाली आहे. भारतात सोन्याच्या किमती 14 टक्क्यांनी वाढल्या आहेत, तर जागतिक बाजारात 10 टक्क्यांची वाढ झाली आहे. रुपयाच्या घसरणीमुळे भारतात ही वाढ अधिक जाणवत आहे. डॉलरच्या तुलनेत रुपया 1 टक्क्याहून अधिक कमजोर झाला आहे.
तज्ज्ञांच्या मते, बदलत्या जागतिक परिस्थितीमुळे भारतासह अनेक विकसनशील देश सोन्याचा साठा वाढवत आहेत. परकीय चलन साठ्यात स्थिरता आणण्यासाठी आणि महागाईपासून संरक्षण मिळवण्यासाठी सोन्याची गुंतवणूक केली जात आहे.
फक्त भारतच नाही, तर चीनही मोठ्या प्रमाणावर सोन्याची खरेदी करत आहे. चीनच्या पीपल्स बँकने जानेवारीत 5 टन सोने खरेदी केले असून, त्यांच्या एकूण साठ्याने 2,285 टनांचा टप्पा गाठला आहे. तीन महिन्यांत चीनने 20 टन सोने खरेदी केले आहे.सोन्याच्या वाढत्या मागणीमुळे त्याच्या किमती आणखी वाढण्याची शक्यता वर्तवली जात आहे. त्यामुळे आगामी काळात आरबीआयची खरेदी धोरणे कशी राहतात, याकडे अर्थतज्ज्ञांचे लक्ष लागले आहे.
No comments:
Post a Comment