सणसवाडी प्रतिनिधी : रिजवान बागवान
सणसवाडी : श्री संत सदगुरू क्रांतीकारी सेवालाल महाराज मित्र मंडळ कारेगाव ता.शिरूर व गोर सेना संघटना यांच्या संयुक्त विद्यमानाने कारेगाव ता.शिरूर येथे क्रांतिकारी सद्गुरु सेवालाल महाराज यांची जयंती 15 फेब्रुवारी रोजी मोठ्या उत्साहात साजरी होणार आहे.तसेच जयंती निमित्त विविध कार्यक्रमाचे आयोजन करण्यात आले आहे.
14 फेब्रुवारी रोजी सायंकाळी आठ ते बारा वाजेपर्यंत हरी भक्त पारायण मंगल महाराज यांचा गोर बंजारा बोली भाषेत भजनाचा कार्यक्रम आयोजित करण्यात आलेला आहे.तसेच15 फेब्रुवारी रोजी सकाळी पाच ते आठ वाजेपर्यंत सेवा लीलामृत ग्रंथ पारायण होणार आहे.तसेच आठ ते दहा वाजता क्रांतिकारी श्री संत जगद्गुरु सेवालाल महाराज यांच्या पालखीची मिरवणूक काढण्यात येणार असुन पुन्हा गोर बंजारा बोलीभाषेतील भजन व येणाऱ्या पाहुणे मंडळी यांचे स्वागत व सत्कार कार्यक्रम होणार आहे.व ठीक बारा वाजता श्री संत सेवालाल महाराज यांच्या भोग लावण्याचा कार्यक्रम होणार असुन व त्यानंतर संध्याकाळी चार ते नऊच्या दरम्यान भव्य मिरवणूक राहील असे आयोजक टीम क्रांतिकारी सेवालाल महाराज मित्र मंडळ कारेगाव यांनी माहिती दिली आहे.
No comments:
Post a Comment