खानापूर : खानापुरात मध्यरात्रीच्या सुमारास चोरट्यांनी कोयत्याचा धाक दाखवत घरात घुसून तब्बल १६ लाखांचा ऐवज लुटला. या प्रकरणी तालुका पोलिस ठाण्यात दरोड्याचा गुन्हा दाखल करण्यात आला असून पोलिस निरीक्षक दशरथ चौधरी अधिक तपास करत आहेत.
चोरट्यांनी घरात शिरून कुटुंबीयांना धमकावले व घरातील दागिने आणि रोकड मिळून १६ लाखांचा ऐवज लंपास केला. घटनेनंतर कुटुंबीयांनी पोलिसांना माहिती दिली.
घटनास्थळी श्वान पथकाला पाचारण करण्यात आले. श्वानाने रस्त्यापर्यंत मार्ग दाखवला, मात्र पुढील ठिकाणी तो माग काढू शकला नाही. ठसे तज्ज्ञांचे पथकही घटनास्थळी दाखल झाले आणि पंचनामा केला.
स्थानीय गुन्हे शाखेच्या पथकाने परिसरातील सीसीटीव्ही फुटेज तपासले, मात्र अनेक ठिकाणी कॅमेरे बंद असल्याचे आढळून आले. त्यामुळे तपासाला अडथळा निर्माण झाला आहे.
No comments:
Post a Comment