नवी दिल्ली : सध्या आंतरराष्ट्रीय बाजारात कच्च्या तेलाच्या किंमतीत मोठी घसरण झाली असून, गेल्या तीन वर्षांतील सर्वात नीचांकी स्तरावर त्या पोहोचल्या आहेत. ब्रेंट क्रूड प्रति बॅरल 69.76 डॉलर, तर WTI क्रूड 66.77 डॉलर वर व्यवहार करत आहे. यामुळे भारतात पेट्रोल आणि डिझेलच्या दरात मोठी कपात होण्याची शक्यता वर्तवली जात आहे.
कच्च्या तेलाच्या किंमतीत झालेल्या घसरणीमागे अनेक महत्त्वाची कारणे आहेत ओपेक आणि अमेरिका उत्पादन वाढवत आहेत – एप्रिलपासून ओपेक देश आणि अमेरिका कच्च्या तेलाचे उत्पादन वाढवणार आहेत, त्यामुळे पुरवठा वाढल्याने दर घसरत आहेत. चीन आणि इतर देशांतील व्यापार युद्ध – चीनसह अनेक देशांमध्ये व्यापार तणाव वाढला आहे, परिणामी जागतिक मागणी कमी झाली आहे. रशियन क्रूडचा पुनर्वाटप – भारताने रशियन क्रूडचे रूपांतर करून इंधन स्वरूपात युरोप व G-7 देशांमध्ये निर्यात केले आहे, त्यामुळे जागतिक बाजारात स्पर्धा वाढली आहे.
सीआरईए (CREA) च्या अहवालानुसार, दुसऱ्या तिमाहीत कच्च्या तेलाचे दर 60 डॉलर प्रति बॅरलपर्यंत खाली येऊ शकतात. जर हा अंदाज खरा ठरला, तर भारतातील इंधन दरांवर मोठा परिणाम होऊ शकतो.
No comments:
Post a Comment